Natal Terbaik Dalam ingatan Anak 90an di Ambon

Kalau su tanggal bagini, biasa samua sodara yang di ambon su bakumpul. dalam rumah Tua su bobou cat minya dg cat tembok.. dari dapor su bobou talor dg tarigu dari kue karing yang mama, tanta kz oma bikin. Bobou yg smpe skrg bkin ingat masa natal waktu kacil . Kalau su ada beberapa kue karing yang jadi biasa sambil cat katong pi ambel kue karing tu diam2 d dapor.

Tanggal bagini biasa tunggu kode dari mama ani dg papa ani. Klo dapa kode lewat tlpon rumah pake tali . Langsung ana sarane bakira nai oto bayar, biar z ada uang d sak yang penting bisa par bayar uang oto ka ani pun rumah. Kalu su dapa bakira pi amplas cari baju terbaik diantara juta juta anam orang yang balanja. Kalau ani jauh biasa batamang mama bali barang rumah sisa d pasar. Lalu maraju " mama b baju natal balom".

Nanti 23 kz 24 maraju kombali di om kz opa.
"opa/om b kembang api balom ada, masa smua bakar b z ?". Cukup kembang api di kartas merah dg piring terbang saja su bkin natal rasa sempurnah di 24 malam.balom lai klau ada labe roket dg torompet labe labe.

Tanggal 24 rata dek smua sodara dari luar su kumpul di rumah tua. Lalu antri carita di foris kz teras ambel hati oma dg opa par dapa uang merah gambar paskibra kz soekarno dari dong pung pensiun. Klo su siang sadiki smua dapa komando bkin barsih org tatua yang su meninggal pung kubur.

24 mlm kalau mau pi greja manggurebe kamar mandi deng basudara laeng par pi greja persiapan. Pas masuk greja 24 mlm cari tampa dudu dekat tamang bae par ator acara sbantar dg beso pi pengang tangan dmn. 24 malam di rumah yang berdoa opa k z papa. Biasa dong nasehat pende saja krna smua hati su garu2 mau bakar kembang api.

Semua diatas mungkin tinggal carita, Tapi setiap Natal punya cerita beda beda krna Tete Manis tetap ada smpe oras ini..
Slmat menyambut Natal basudara..