Ambon Hari Hari

kalo dong tanya sapa yang punya ambon, akang pung jawaban "katong samua punya", lalu apa yang katong musti biking par Ambon Lebe Bae? sapa yang musti jaga ambon? sapa yang musti marah kalo Ambon kotor? Ada Beberapa Hal yang katong di ambon musti siuman par akang 1. Stop lempar Sampah sabarang.     Akang lia paleng z enak kalo sore sore dudu di pinggir pante dalam teluk Ambon nikmati matahari      maso tapi ada sampah plastik, belom lai kalo musim ujang got got tasumbat karna sampah sumbat      jalan aer, ini samua kanapa??? ini samua karna katong buang sampah sabarang, Lempar di kali,          lempar di laut, buang dari dalam oto, deng masih banyak lai. 2.   Stop bawa motor deng oto sabarang.     Ambon barapa taong terakhir ini maju batul, akang paleng kantara dari motor deng oto yang su            semakin banya, tapi sayang akang seng diimbangi deng kesadaran dong yang...

Oktober taong 2019 kamareng organisasi dunia PBB, UNESCO yang biasa urus pendidikan deng budaya di dunia, resmi kasih status Ambon sebagai kota Musik Dunia. Kolaborasi Totobuang dan Hadrat Dong kasih status kota musik dunia atau UNESCO CITY OF MUSIC bukang tanpa alasan, ada banya skali aspek musik yang ada di Ambon, memang masih banya yg harus diperbaiki dan ditambah. Tapi 1 hal utama yang seng bisa didapat di tampa laeng selain di Ambon adalah Musik sebagai bahasa toleransi. Cuma di Ambon katong bisa lia kolaborasi Brass atau Torompet yang identik deng kristen dan hardat atau rebana yang identik deng muslim bersatu lalu di balut totobuang yg identik dengan adat di Ambon. Video kolaborasi Hardat, brass dan Totobuang Lewat kolaborasi itu, Ambon punya nilai lebih dimata banya orang baik di Indonesia maupun Dunia. Semoga budaya ini dapat terjaga dan dijaga oleh katong samua baik di Ambon maupun Tanah Rantau.. 

Kalo lia Ambon sakarang ini, pasti seng ada yang parcaya dolo kota ini pernah hancur lebur karena kerusuhan. Tanggal 19 januari 1999 kerusuhan basar itu bermula dari salah paham antara 2 orang pemuda di daerah Batu Merah Mardika. Perselisihan itu jadi basar sampe kota Ambon waktu itu ibarat Naraka. Tabakar kiri kanan, orang mati deng luka seng bisa rekeng. Skolah, kantor, greja,masjid deng sagala macam fasilitas umum dapa bakar. Kurang labe 5 taong sampe basudara di Ambon mulai sadar klo prang cuma biking sangsara. Lalu deng gagasan pemerintah waktu itu deng beberapa tokoh munculah perjanjian Malino 2. Seng cukup sampe disitu tanggal 25 November 2009 Presiden Republik Indonesia ke 6 . Bapak Susilo Bambang Yudhoyono meresmikan monumen Gong Perdamaian Dunia di Ambon sebagai simbol perdamaian dan dong mulai bilang Ambon adalah Labolatorium Kerukunan Umat Beragama di Indonesia. Dari sini samua proses perdamaian di Ambon dimulai. sampe pada januari 2019 Ambon dinobatkan s...

Basudara ada satu acara menarik di awal taong 2020 ini. Akang pung nama Festival Nusaniwe, acara ini dimulai , kamis(16/01/20). Akang acara bertempat dia lapangan Airlow deng bukit paralayang airlow. Dalam acara ini ada beberapa kegiatan antara lain atraksi paralayang deng eksebisi sepak bola putri. Acara pembukaan juga diramikan oleh Amboina Ukulele Kids. Bisa liat videonya di link dibawah. Ade-ade ini maeng ukulele serentak deng manyanyi lagu lagu ambon. Amboina ukulele kids adalah simbol Ambon kota musik dunia, dimana mulai dari anana sampe orang tatua bisa bermusik.

Ini 2 dari sekian banyak kebiasaan buruk akhir akhir ini yang terjadi. 1. Lempar sampah di kali. . Oras ini basudara di kota ini mulai tinggalkan tabiat orang tatua dolo dolo yang rajin mayapu kintal pagi sore dg urus sampah rumah tangga ( baik bakar maupun kubur ). Dong rasa nyaman deng buang sampah dalam plastis di kali. Efeknya lautan pono dg sampah blm lai banjir klo ujang.  2. Bawa motor deng oto iko suka Ambon su jadi metropolitan baru di ujung timur indonesia, imbasnya kendaraan di kota ini abis banyak tapi z diimbangi dengan kesadaran basudara pengguna, angkot kasih turun penumpang sabarang, isap roko di motor dg oto lalu pontong buang sabarang sampe kanal orang laeng mata. Dan masih bnyak lai. Itu bisa bkin cilaka.  Ya semoga taong ini jadi awal ktg samua sadar kebiasaan kacil yg harus di hilangkan..