Ambon Hari Hari

Ambon .- Ketika pandemi dunia itu mulai muncul desember 2019 di Wuhan Cina, sebagian dari katong berpikir Ambon seng akan kanal. Tapi Tuhan pung kehendak laeng,tercatat ada 1 orang dinyatakan positif di Ambon dan puluhan masuk kategori ODP (orang dalam pantauan) dan PDP ( pasien dalam pengawasan). Pemerintah Indonesia, Maluku maupun Kota Ambon langsung baraga capat antisipasi hal-hal yang seng diinginkan. skolah deng kantor diminta balajar deng karja dari rumah,Sampe 14 hari kedepan. Pemerintah jua anjurkan kalau kaluar Rumah jaga Jarak deng orang sekitar, rajin cuci tangan deng pake masker. Samua unsur di Ambon mulai bagara semprot disinfektan lalu pemeluk Agama mulai bikin ibdah dari rumah , untuk memutus penyebaran pandemi global ini. Tapi 1 catatan yang bisa katong samua lia orang Indonesia dan orang Ambon masih banyak yang anggap ini enteng, karna dong pernah baca kalau panas bisa bunuh pandemi itu, sampai hoax soal talor Rabus. Tanpa dong tau kalo pandemi ini bisa berpot...

Pariwisata di Ambon makin maju kawan, terbaru ada "Siwang Paradise". akang ada di daerah Dusun Siwang, Negeri Urimesing, bagiang atas Kudamati-Gunung Nona, seng jao dari pusat kota Ambon. kalo pake motor sekitar stengah jam dari dalam kota. kalo basudara dong biasa cuma maeng di pante di Ambon, tampa ini basudara dong musti coba akang. nuansa laeng wisata Ambon ini sedang rame ramennya di bicarakan milenial kota Ambon."se balong sampe di siwang paradise?, se seng gaul bro". kata anana Ambon par dong tamang yang balom ka situ.  vlog wisata gunung di Ambon. basudara dong yang su kasana biasanya pasangan par yang mau pi, "pake motor yang mesin bagus, ban jangan botak, rem motor bagus deng jangan lupa pake masker". berhubung tampa wisata baru, jadi jalan kaatas balom talalu bagus,  tiket masuk seng mahal cuma Rp.10.000, diatas jua su ada aqua, sampe sarimi, kalo dong beruntung pemilik lokasi juga biasa sediakan kopi. tampa ini pas par dong yang m...

1 Februari kamareng pemerintah kota Ambon dong baru saja canangkan Tahun kunjungan wisata di Ambon Tahun 2020, Lewat "Visit Ambon 2020". pencanangan Visit Ambon 2020 ini adalah simbol dimulainya samua rankaian kegiatan wisata di Ambon. dan akang pung puncak nanti bulan oktober 2020. acara yang diadakan di pante Amahusu ini banya yang bikin rame akang, mulai dari Anana kacil maeng ukulele sampe oma-oma tiop suling bambu. karna itu samua simbol Ambon kota musik. PENCANANGAN VISIT AMBON 2020 OLEH WALIKOTA AMBON saat pencanangan katong pung pimpinan tertinggi di kota ini bilang "beta berharap lewat momen ini Ambon semakin dikenal di Indonesia Bahkan Dunia" kata Walikota. Amtua jua minta samua orang Ambon bisa berperan membantu baik mendukung maupun promosi akang pung kegiatan. katong basudara di luar negri kaya Belanda deng Amerika sampe Australia jua tau kabar Ambon mau biking kegiatan basar deng bagus ini. dong jua blg dong siap bantu promosi disana. s...

kalo dong tanya sapa yang punya ambon, akang pung jawaban "katong samua punya", lalu apa yang katong musti biking par Ambon Lebe Bae? sapa yang musti jaga ambon? sapa yang musti marah kalo Ambon kotor? Ada Beberapa Hal yang katong di ambon musti siuman par akang 1. Stop lempar Sampah sabarang.     Akang lia paleng z enak kalo sore sore dudu di pinggir pante dalam teluk Ambon nikmati matahari      maso tapi ada sampah plastik, belom lai kalo musim ujang got got tasumbat karna sampah sumbat      jalan aer, ini samua kanapa??? ini samua karna katong buang sampah sabarang, Lempar di kali,          lempar di laut, buang dari dalam oto, deng masih banyak lai. 2.   Stop bawa motor deng oto sabarang.     Ambon barapa taong terakhir ini maju batul, akang paleng kantara dari motor deng oto yang su            semakin banya, tapi sayang akang seng diimbangi deng kesadaran dong yang...

Oktober taong 2019 kamareng organisasi dunia PBB, UNESCO yang biasa urus pendidikan deng budaya di dunia, resmi kasih status Ambon sebagai kota Musik Dunia. Kolaborasi Totobuang dan Hadrat Dong kasih status kota musik dunia atau UNESCO CITY OF MUSIC bukang tanpa alasan, ada banya skali aspek musik yang ada di Ambon, memang masih banya yg harus diperbaiki dan ditambah. Tapi 1 hal utama yang seng bisa didapat di tampa laeng selain di Ambon adalah Musik sebagai bahasa toleransi. Cuma di Ambon katong bisa lia kolaborasi Brass atau Torompet yang identik deng kristen dan hardat atau rebana yang identik deng muslim bersatu lalu di balut totobuang yg identik dengan adat di Ambon. Video kolaborasi Hardat, brass dan Totobuang Lewat kolaborasi itu, Ambon punya nilai lebih dimata banya orang baik di Indonesia maupun Dunia. Semoga budaya ini dapat terjaga dan dijaga oleh katong samua baik di Ambon maupun Tanah Rantau.. 

Kalo lia Ambon sakarang ini, pasti seng ada yang parcaya dolo kota ini pernah hancur lebur karena kerusuhan. Tanggal 19 januari 1999 kerusuhan basar itu bermula dari salah paham antara 2 orang pemuda di daerah Batu Merah Mardika. Perselisihan itu jadi basar sampe kota Ambon waktu itu ibarat Naraka. Tabakar kiri kanan, orang mati deng luka seng bisa rekeng. Skolah, kantor, greja,masjid deng sagala macam fasilitas umum dapa bakar. Kurang labe 5 taong sampe basudara di Ambon mulai sadar klo prang cuma biking sangsara. Lalu deng gagasan pemerintah waktu itu deng beberapa tokoh munculah perjanjian Malino 2. Seng cukup sampe disitu tanggal 25 November 2009 Presiden Republik Indonesia ke 6 . Bapak Susilo Bambang Yudhoyono meresmikan monumen Gong Perdamaian Dunia di Ambon sebagai simbol perdamaian dan dong mulai bilang Ambon adalah Labolatorium Kerukunan Umat Beragama di Indonesia. Dari sini samua proses perdamaian di Ambon dimulai. sampe pada januari 2019 Ambon dinobatkan s...

Basudara ada satu acara menarik di awal taong 2020 ini. Akang pung nama Festival Nusaniwe, acara ini dimulai , kamis(16/01/20). Akang acara bertempat dia lapangan Airlow deng bukit paralayang airlow. Dalam acara ini ada beberapa kegiatan antara lain atraksi paralayang deng eksebisi sepak bola putri. Acara pembukaan juga diramikan oleh Amboina Ukulele Kids. Bisa liat videonya di link dibawah. Ade-ade ini maeng ukulele serentak deng manyanyi lagu lagu ambon. Amboina ukulele kids adalah simbol Ambon kota musik dunia, dimana mulai dari anana sampe orang tatua bisa bermusik.